Kryetari momental i Parlamentit të Studentëve, Mergim Lushtaku, njëkohësisht Kryetar i Kuvendit të "Paqes Studentore"- një ndër organizatat më të shquara studentore, dha për revistën “Bota e Re” një intervistë ekskluzive për këtë numër special.

I pari i studentëve, Lushtaku, na njofton më për së afërmi për shumë çështje që e karakterizojnë jetën studentore aktualisht dhe për realitetin ekzistues në Universitetin e Prishtinës, përmirësimin e kushteve të studentëve, rregullimin i infrastrukturës, zbatimin e reformave universitare etj. Për këto, si dhe për shumë gjëra të tjera që lidhen me punën e Parlamentit të Studentëve, do të mësoni më shumë në këtë intervistë.

Ngritja e bursave studentore me 30 për qind

"BOTA E RE": Z. Lushtaku, ju jeni Kryetar i Parlamentit të Studentëve të Universitetit të Prishtinës. Na thoni diçka më shumë për këtë institucion. Cili është funksioni i tij?
Lushtaku:  Parlamenti Studentor është organ suprem që përfaqëson mbi dyzet mijë studentë të Universitetit të Prishtinës dhe merret me problemet e studentëve dhe me të drejtat e tyre. Në të njëjtën kohë, merret edhe me organizimin e aktiviteteve të cilat janë në dobi të studentëve.

Kosova shënoi njëvjetorin e realizimit të ëndrrës së saj të kamotshme, Shpalljen e Pavarësisë së saj dhe çdo qytetar, edhe ne studentët, si pjesëtarë të shoqërisë së Kosovës kujtojmë me mallëngjim atë ditë të ftohtë të 17 shkurtit 2008, e cila do të mbetet e paharruar, pasi që arritëm ta përjetojmë atë që shumë bashkatdhetarë e kanë pritur dhe kanë dhënë jetën për këtë ditë, e nuk kanë pasur mundësi ta presin.

Një vit kaloi shumë shpejt dhe pothuajse ende i kujtojmë çastet e Shpalljes së Pavarësisë së Kosovës dhe agjendën e ngarkuar të asaj të diele, qysh prej mëngjesit kur qytetarë nga katër anët e Kosovës dhe jashtë saj ia kishin mësyrë për në Prishtinë, për të qenë sa më pranë e më afër momentit kur do të shpallej Pavarësia e Kosovës. Por, prapëseprapë, është mirë që të kujtojmë çdo gjë që ka ndodhur atë ditë dhe se si ka rrjedhur ajo ditë, deri në përfundim me hedhjen e fishekzjarrëve në qiell, në katër pjesë të ndryshme të Prishtinës.
Në vijim do të paraqesim rrjedhën e ngjarjeve të asaj dite, e cila duhet të mbetet e paharruar në mendjen e çdo shqiptari.

Studentët e Universitetit të Prishtinës, ankohen për kushte të dobëta në UP. Ata kanë disa kërkesa ndër të cilat ligjërimi i rregullt i profesorëve dhe hapësira objektive

Prishtinë, 9 shkurt, Universiteti i Prishtinës, nuk posedon kushte të kënaqshme për studime bazë apo nivele të tjera të studimeve. Kështu kanë deklaruar përfaqësuesit e studentëve nga Parlamenti Studentor i Prishtinës. Sipas Kryetarit të Parlamentit të Studentëve të Universitetit të Prishtinës, Mergim Lushtaku, studentët e UP-së ballafaqohen me mungesë të hapësirës objektive, literaturës bazë, dhe shumë pakënaqësi të tjera të cilat i prekin studentët drejtpërdrejtë. Sipas Lushtakut, Deklarata e Bolonjës nuk është duke u zbatuar nga Profesorët “Deklarata e Bolonjës ende nuk është e realizueshme nga profesorët tanë. Për digjitalizimin është folur mjaftë, por ende nuk shihen të mirat dhe lehtësimet e saja. Literatura bazë edhe pse po kërkojmë që të shpejtohet përkthimi dhe botimi i tyre, ka vonesa”, është shprehur Lushtaku. Sipas tij, këto dhe shumë probleme të tjera ndikojnë drejtpërdrejtë në studime të mirëfillta për studentët e UP-së. Kryetari Mergim Lushtaku, nuk ka mohuar edhe ndryshimet pozitive, por të cilat sipas tij nuk janë të mjaftueshme për të nxjerr një kualitet të mirëfilltë për shoqërinë e Kosovës. Ai aka shtuar se është barrë e madhe të dalin studentët nga ligjërata e të mos dëgjojnë asnjë fjalë nga ligjërata e Profesorit, për shkak të numrit të lartë të studentëve nëpër klasa.

Një delegacion nga Paqja Studentore në përbërje të: Mergim Lushtakut – Kryetar, Iliriana Alloqit – Nënkryetare për Marrëdhënie me Jashtë dhe Leutrim Grudës – Kryetar i Komisionit për Informim dhe Botim, këto ditë ka qëndruar për një vizitë zyrtare në Vjenë të Austrisë. Kjo vizitë u organizua nga Universiteti i Prishtinës në bashkëpunim me projektin e Partneritetit Institucional Kosovë-Austri (KAIP). Qëllimi i kësaj vizite ka qenë informimi rreth funksionimit të sistemit të Arsimit të Lartë në Austri sidomos rreth çështjes së pavarësimit të këtij sistemi nga qeveria. 
 

Foto nga Vjena nga e djathta Leutrim Gruda – Kryetar i Komisionit për Informim dhe Botim i Paqes Studentore, prof. dr. Johan Gynter – Drejtor i Projektit të Partneritetit Institucional Kosovë –Austri (KAIP), prof. dr. Avdulla Alija – Drejtor i Departamentit të Arsimit të Lartë në Ministrinë e Arsimit të Kosovës, Mergim Lushtaku – Kryetar i Paqes Studentore, prof. dr. Enver Hasani – Rektor i Universitetit të Prishtinës dhe Iliriana Alloqi – Nënkryetare e Paqes Studentore.